အိပ်ရာမ၀င်ခင် ရှောင်ကြဉ်သင့်တဲ့ အချက်များ

လူတစ်ယောက် နေ့စဉ် ကျန်းမာစွာ လှုပ်ရှားသွားလာပြီး ပုံမှန်အလုပ်လုပ်နိုင်ဖို့ အိပ်ရေး၀၀ အိပ်စက်ခွင့် ရဖို့ လိုအပ်ပါတယ်။ ညတိုင်း နှစ်ခြိုက်စွာ အိပ်ပျော်နိုင်စေဖို့ ရှောင်ကြဉ်သင့်တဲ့ အချက်တွေကို ဖော်ပြပေးလိုက်ပါ တယ်။
၁။ အီးဘွတ်ခ်နှင့် စမတ်ဖုန်းများ မသုံးပါနှင့်

အိပ်ရာမ၀င်ခင် အီလက်ထရွန်နစ် ပစ္စည်းတွေကို မသုံးသင့်ပါဘူး။ မအိပ်ခင် တီဗီကြည့်တာဟာ မှားယွင်းပါ တယ်။ အိပ်ရာမ၀င်ခင်မှာ သင့်ဦးနှောက်ကို အနားပေးထားမှသာ ကောင်းကောင်း အိပ်ပျော်မှာ ဖြစ်ပါတယ်။ အိပ်ရာဝင်ခါနီး ဖုန်းပြောတာကို ရှောင်ကြဉ်သင့်ပါတယ်။ မအိပ်ခင်မှာ သင့်အနားမှာ အလင်းရောင်ထွက်တဲ့ ပစ္စည်းတွေ မထားဖို့လည်း လိုအပ်ပါတယ်။ ဂက်ဂျက်ပစ္စည်းတွေက လာတဲ့ အလင်းရောင်ဟာ အိပ်စက်ဖို့ အကူ အညီပေးတဲ့ မီလာတိုနင်ဟိုမုန်းကို အားနည်းစေပါတယ်။ အိပ်ရာထဲမှာ အိုင်ပက် ဒါမှ မဟုတ် ကွန်ပျူတာ မသုံး ဘဲ မနေနိုင်ဘူးဆိုရင်ဆတော့ သူ့မျက်နှာနဲ့ အသုံးပြုနေတဲ့ ဖန်သားပြင်ကို ၁၄ လက်မလောက် ခွာပြီး အသုံးပြုသင့်ပါတယ်။
၂။ ကော်ဖီမသောက်ပါနှင့်
ကော်ဖီတစ်ခွက်မှာ ကဖိန်းဓါတ် ၈၀ ကနေ ၁၂၀ မီလီဂရမ်လောက်ထိ ပါဝင်ပါတယ်။ ကော်ဖီနဲ့ ကဖိန်းပါတဲ့ အချိုရည်တွေဟာ လူကို နိုးနိုးကြားကြားဖြစ်စေပါတယ်။ မနက်ခင်းမှာ ကော်ဖီသောက်တာဟာ လန်းလန်း ဆန်းဆန်းနဲ့ အလုပ်လုပ်နိုင်ဖို့ အကူအညီဖြစ်ပေမယ့် အိပ်ခါနီးကော်ဖီသောက်ရင်တော့ အိပ်မပျော်တဲ့ ရောဂါ ရတတ်ပါတယ်။ ကဖိန်းဓါတ်ကြောင့် နိုးကြားမှုနေမှုဟာ ခန္ဓာကိုယ်ထဲမှာ ၁၀ နာရီကျော်ကျော်လောက် လည် ပတ်နိုင်စွမ်း ရှိပါတယ်။ ကော်ဖီမသောက်ပဲ မနေနိုင်ရင်တော့ ကဖိန်းဓါတ် ၂၀ မီလီဂရမ်လောက်ပဲပါတဲ့ ကော်ဖီ မျိုးကို ရွေးချယ်သင့်ပါတယ်။ အိပ်ခါနီး လက်ဖက်ရည်သောက်တာဟာလည်း မလုပ်သင့်တဲ့ အလုပ်ဖြစ်ပါတယ်။
၃။ ချောကလက်ကို ရှောင်ပါ
ချောကလက်မှာလည်း ကဖိန်းဓါတ် ပါဝင်ပါတယ်။ ချောကလက်ရဲ့အရောင် ပိုပြီးရင့်လေ ကဖိန်းဓါတ်များလေ ဖြစ်ပါတယ်။ ညအိပ်ခါနီး ချောကလက်မစားသင့်ပါဘူး။ နို့ချောကလက်တွေဟာလည်း အိပ်စက်ခြင်းကို တားဆီး တဲ့အရာ ဖြစ်ပါတယ်။ နို့ချောကလက်မှာ ကဖိန်းဓါတ် ၁၀ မီလီဂရမ်လောက် ပါရှိပြီး အရောင်ရင့်တဲ့ ချောကလက်တွေမှာတော့ ၃၂ မီလီဂရမ်လောက် ပါဝင်ပါတယ်။ ချောကလက်မှာ အိပ်မပျော်တဲ့ရောဂါနဲ့ နှလုံးခုန်နူန်းကို မြန်စေတဲ့ သီအိုဘရိုမိုင်းဓါတ် ပါရှိပါတယ်။
၎။ အရက်သေစာ ရှောင်ပါ။
အရက်သေစာသောက်သုံးခြင်းက သွေးလည်ပတ်ကို မြန်ဆန်စေပြီး ဦးနှောက်ကို သွေးတွေ  မြန်မြန်ဆန်ဆန် စီးသွားတဲ့အတွက် သက်သောင့်သက်သာဖြစ်မှုနဲ့ မူးဝေခြင်းကို မိနစ်အနည်းငယ်အတွင်း ခံစားရစေပါတယ်။ အရက်ထဲမှာ အယ်လ်ကိုဟောဓါတ်ကို ဖယ်ရှားဖို့ ခန္ဓာကိုယ်က တညလုံးအလုပ်လုပ်နေရလို့ ကောင်းကောင်း အိပ်မပျော်နိုင်ဖြစ်တတ်ပါတယ်။ အရက်ထဲမှာပါတဲ့ အယ်လ်ကိုဟောဟာ ခန္ဓာကိုယ်တွင်းမှာ ရေဓါတ် ခန်းခြောက်စေပြီး ရေဆာမှုနဲ့ ပင်ပန်းနွမ်းနယ်မှုကို ဖြစ်စေပါတယ်။ ဒါကြောင့်မို့ အိပ်ခါနီး အရက်သေစာ သောက်သုံးမှုကို ရှောင်ကြဉ်သင့်ပြီး မနေနိုင်ဘူးဆိုရင်တော့ ညစာစားအပြီးမှာ ၀ိုင်တစ်ခွက်လောက် သောက်သင့်ပါတယ်။
၅။ အဆီအဆိမ့်များတဲ့အစားအစာတွေ ရှောင်ပါ
ညအိပ်ခါနီးမှာ အဆီအဆိမ့်နဲ့ အဆီများတဲ့ အစားအသောက်တွေ မစားသင့်ပါဘူး။ အစာအိမ်ဟာ ကိုယ်တွင်းမှာ ရှိတဲ့အစာကို ချေဖျက်ဖို့ ၂ နာရီလောက် အချိန်ယူရပါတယ်။ တကယ်လို့ အဆီအဆိမ့်တွေသာ စားခဲ့မယ်ဆိုရင် အိပ်စက်ချိန်မှာ အစာအိမ်က မနားမနေ တညလုံး အလုပ်လုပ်နေရမှာ ဖြစ်ပါတယ်။ ဒါ့ကြောင့်မို့ အိပ်ခါနီးမှာ နွားနို့တစ်ခွက်လောက်ပဲ သောက်သင့်ပါတယ်။ အရမ်းဗိုက်ဆာနေမယ်ဆိုရင်တော့ သစ်သီးတစ်လုံးလောက်ပဲ စားသင့်ပါတယ်။အိပ်ခါနီး အစားများများစားတာဟာ အိပ်မပျော်တာမျိုး ဖြစ်စေသလို ခန္ဓာကိုယ်ကိုလည်း ၀ိတ် တက်စေပါတယ်။ ညအိပ်ခါနီး အကြော်အလှော်တွေစားတာဟာလည်း မလုပ်သင့်တဲ့ကိစ္စ ဖြစ်ပါတယ်။
၆။ ဆေးလိပ်မသောက်ပါနဲ့
ညအိပ်ခါနီး ဆေးလိပ်သောက်တာဟာလည်း မလုပ်သင့်တဲ့ အလုပ်ပဲ ဖြစ်ပါတယ်။ တချို့ကတော့ ညနေခင်းမှာ ဆေးလိပ်တစ်လိပ်၊ နှစ်လိပ်လောက် သောက်တာက သက်သောင့်သက်သာနဲ့ အိပ်မောကျစေမယ်လို့ အထင်အမြင်မှားနေကြပါတယ်။ ဆေးလိပ်မှာပါတဲ့ နစ်ကိုတင်းဟာ လူကို နိုးကြားစေတာမို့ အိပ်စက်ခြင်းနဲ့ ဆန့်ကျင်ဘက်ဖြစ်ပါတယ်။ ဆေးလိပ်သောက်တာများလေလေ၊ အိပ်မပျော်နိုင်ခြေ ပိုများလေ ဖြစ်ပါတယ်။ ညဘက်အိပ်ရေး၀၀ အိပ်ချင်ရင်တော့ ဆေးလိပ်ကို ရှောင်ကြဉ်သင့်ပြီး လိုအပ်လာရင်တော့ ဆရာဝန်ရဲ့ အကူအညီနဲ့ ဆေးလိပ်ဖြတ်ဖို့အထိ ကြိုးစားရမှာ ဖြစ်ပါတယ်။

Ref – Ladiestalk
http://www.planet.com.mm/detail/28443/World